अखबार नेपाल ट्रेन्डिङ

स्याङ्जाः जिल्ला प्रहरी कार्यालय स्याङ्जामा कार्यरत १६ जना प्रहरीमा कोरोना संक्रमण पुष्टि भएको छ ।

स्याङ्जाका २५ जनामध्ये १६ जना प्रहरी रहेको जिल्ला प्रहरी कार्यालय स्याङ्जाले जनाएको छ । सुरुमा साउन ६ मा ३ जना प्रहरीमा संक्रमण पुष्टि भएको थियो । गत सोमबार जिल्ला प्रहरी प्रमुखसहित १८ जनामा संक्रमण पाइएको थियो ।

स्वास्थ्य कार्यालय स्याङ्जाका प्रमुख यामप्रसाद शर्माका अनुसार मंगलबार जिल्लाका १ सय १९ जनाको रिपोर्ट आउँदा २५ जनामा संक्रमण देखिएको छ । हालसम्म प्रहरी कार्यालयमा ३७ प्रहरी, एक शिशु र एक जना थुनुवामा पनि कोरोना पुष्टि भएको जिल्ला प्रहरी प्रहरी कार्यालय स्याङ्जाले जानकारी दिएको छ ।

सुरक्षा निकायका व्यक्तिहरुलाई नै कोरोना संक्रमण भएपछि स्याङ्जाको सुरक्षा व्यवस्था थप कडा पारिएको छ ।