अखबार नेपाल ट्रेन्डिङ

काठमाडौं: पछिल्लो २४ घण्टामा २ सय ५९ जना कोरोना भाइरसका सङ्क्रमित थपिएको स्वास्थ्य तथा जनसङ्ख्या मन्त्रालयले जनाएको छ ।

७ हजार २ सय ३१ जनामा पीसीआर परीक्षण गरिएकोमा २ सय ४३ जनामा र २ हजार ६ सय ५७ जनामा एन्टीजेन परीक्षण गर्दा १६ जनामा कोरोना सङ्क्रमण पुष्टि भएको मन्त्रालयले जनाएको छ ।

नेपालमा कोरोना सङ्क्रमणमुक्त हुने दर ९७.७ प्रतिशत रहेको छ । यसैगरी, पछिल्लो २४ घण्टामा २ सय ६४ जना कोरोना मुक्त भएको स्वास्थ्य मन्त्रालयले जनाएको छ ।

सोही अवधिमा १ जना सङ्क्रमितको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५ सय २४ पुगेको छ ।

यसैगरी देशमा हालसम्म ६ हजार ९ सय ४४ जना सक्रिय सङ्क्रमित रहेका छन् । पछिल्लो २४ घण्टामा १ लाख ४४ हजार ५ सय ३४ जनाले कोरोनाविरुद्धको खोप लगाएका छन् ।