अखबार नेपाल ट्रेन्डिङ

काठमाडौं: विश्वभर महामारीको रुप लिएको कोरोना भाइरसले अहिले विश्वमा नै सन्त्रास छाएको छ ।

अहिले विश्वभर कोरोना भाइरस विरुद्धको भ्याक्सिनको पर्खाइमा छ । यो वर्षको अन्तिममा कोरोना भाइरसविरुद्धको भ्याक्सिन आउने विभिन्न सञ्चारमाध्यमहरुले बताईरहँदा विश्व स्वास्थ्य संगठन डब्ल्यूएचओले भने भ्याक्सिनको सम्भावना नरहेको बताएको छ ।

हालै मात्र विश्व स्वास्थ्य संगठनले दिएको एक बयानले भने विश्वमा नैराश्यता छाएको छ । डब्ल्यूएचओकी प्रमुख डाक्टर सौम्या स्वामीनाथनले स्वस्थ युवाहरुले कोरोनाविरुद्धको भ्याक्सिनका लागि लामो समय कुर्नुपर्ने बताएकी छिन् ।

उनले एक सोसल मिडिया इभेण्टमा भनिन्, ‘धेरैजासो मानिस यो कुरामा सहमता छन् कि, सबैभन्दा पहिला भ्याक्सिन हेल्थ वर्कर्स र फ्रन्ट लाइनमा काम गर्नेलाई दिन आवश्यक छ ।

तर, हामीले सबैभन्दा धेरै आवश्यक कसलाई छ, त्यो हेर्नुपर्ने हुन्छ, त्यसपछि वृद्धहरुको पालो आउँछ ।’ उनले आम स्वस्थ व्यक्तिले भ्याक्सिनको लागि २०२२ सम्म कुर्नु पर्न पनि सक्ने बताएकी छन् ।