अखबार नेपाल ट्रेन्डिङ

काठमाडौं: सरकारले देशभरका सबै अस्पतालमा पिसिआर परीक्षणको शुल्क अधिकतम २ हजार रुपैयाँ लिन पाउने निर्णय गरेको छ।

राष्ट्रिय र अन्तराष्ट्रिय बजारमा पिसिआर परीक्षणका किट तथा अन्य सामग्रीको मुल्य सस्तो भएसँगै नेपालमा पनि सहज र सस्तो मुल्यमा पाउन थालेसंगै परीक्षण शुल्क घटाइएको स्वास्थ्य तथा जनसंख्या मन्त्रालयले जानाएको छ ।

देभभर ११ निजीसहित ४७ वटा प्रयोगशालामा कोरोना परीक्षणका लागि पिसिआर परीक्षण हुदै आएको छ । उपत्यका २ र सात प्रदेशमा एक एक प्रयोगशाला र ११ निजी प्रयोगशालामा सःशुल्क कोरोना परीक्षण हुन्छ।

कन्ट्याक्ट ट्रेसिङमा परेका, फ्रन्टलाइनमा काम गर्नेहरु, स्वास्थ्यकर्मी लगायतको निःशुल्क परीक्षण हुने र स्वास्थ्य मन्त्रालयले जारी गरेको निर्देशिकाभित्र नपर्ने, जसलाई आफ्नो व्यक्तिगत कामको लागि पिसिआर गराउनुपर्ने छ, उनीहरुले शुल्क तिरेर परीक्षण गराउन सक्ने मन्त्रालयले जानाएको छ ।