अखबार नेपाल ट्रेन्डिङ

काठमाडौं: काठमाडौं उपत्यका भित्र पाँच उद्योगले बजारमा ल्याएका ह्यान्ड सेनिटाइजरमा विषाक्त रसायन भेटिएको छ।

निर्धारित मापदण्ड विपरीत विषाक्त रसायन मेथानोल समावेश भएको पाइएपछि पाँच उद्योगका ह्यान्ड सेनिटाइजर प्रयोग साथै उत्पादनमा औषधी व्यवस्था विभागले रोक लगाएको छ।

बजारमा बिक्री वितरण भइरहेका ह्यान्ड सेनिटाइजरका नमूनाहरू संकलन गरेर  जाँच गर्दा उक्त मेथानोल समावेश भएको पाइएको छ । उक्त विषाक्त रसायनले मानव स्वास्थ्यमा गम्भीर नकारात्मक पर्ने हुनाले सर्वसाधारणलाइ प्रयोग नगर्न विभागले जनाएको छ।

काठमाडौंका चार र भक्तपुरको एउटा उद्योगले उत्पादन गरेका Instant Hand Sanitizer, Instant hand Sanitizer Original, Advanced Hand Sanitizer, Instant Hand Sanitizer Refreshing Gel र Suryamukhi Hand Sanitizer मा उक्त रसायन भेटिएकोले उत्पादन तथा बिक्री वितरण अविलिम्ब रोक्का राख्न विभागले सरोकारवालालाई सचेत गराएको छ।

कोरोना संक्रमणको महामारी बढ्दा बजारमा सेनिटाइजर र मास्कको बिक्री बढेको छ। नेपाली उद्योगीहरूले मास्क र सेनिटाइजर उत्पादनका लागि सरकारले तोकेको मापदण्डमा रहन विभागले उद्योगीहरूलाई सचेत गराएको छ।

जथाभावी गरेर बजारमा ल्याउँदा जनस्वास्थ्यमा प्रतिकूल प्रभाव पर्छ। त्यस्तो गर्नु अपराध हो र गुणस्तरहीन उत्पादन गर्नेलाई कारबाही हुने विभागले जनाएको छ।