अखबार नेपाल ट्रेन्डिङ

काठमाडौं: नेपाल क्रेडिट एण्ड कमर्स (एनसीसी) बैंकको नेपाल इन्स्योरेन्स कम्पनीको स्वामित्वमा रहेको ५ लाख कित्ता संस्थापक सेयर लिलामीमा बिक्री हुने भएको छ।

बैंकको लिलामी सेयरमा विद्यमान संस्थापकहरुलाई प्रथामिकतामा दिइएको छ भने जो कोही व्यक्ति, कम्पनी, संघसंस्थाले उक्त सेयर खरिदका लागि असोज २ गतेदेखि कात्तिक ६ गतेसम्म आवेदन दिन सक्ने कम्पनीले जनाएको छ।

कम्पनीले सेयरको न्यूनतम  मूल्य प्रतिकित्ता १ सय १० तोकिएको हुँदा आवेदकहरुले सो वा सोभन्दा बढी मूल्य अंकित गरी बोलकबोल गर्नु पर्नेछ। आवेदकहरुले बोलकबोल गर्दा न्यूनतम १ हजार कित्ता र अधिकतम सबै कित्ताको लागि आवेदन दिन सक्नेछन्।

आवेदकहरुले  आफूले खरिद गर्न चाहेको सेयरको अग्रिम रकम एनआइबिएल एस क्यापिटलको नाममा कुमारी बैंकको खाता नम्बर ००१००१७४५१९००००१ जम्मा गरी भौचर संलग्न गरी वा कनेक्ट आईपीएसबाट उक्त खातामा नगद जम्मा गरी सोको निस्सा संलग्न गरी सिलबन्दी बोलपत्र पेश गर्न सक्ने कम्पनीले जनाएको छ।

संस्थापक सेयरधनीलाई प्राथमिकता दिइ बढी बोलकबोल गर्ने आवेदकलाई सेयर बिक्री गर्ने कम्पनीले उल्लेख गरेको छ। आवेदकले बोलकबोलको आवेदन एनआईबिएल एस क्यापिटल लाजिम्पाटमा बुझाउन सक्नेछन्।