अखबार नेपाल ट्रेन्डिङ

एजेन्सीः इजरायल र सिरियाबीच तनाव बढ्दै गएको छ । इजरायलले सिरियाको राजधानी दमास्कस नजिकै इस्लामिक जिहाद सशस्त्र समूहमाथि हवाइ आक्रमण गरेको जनाएको छ । तर सिरियाले भने त्यसको प्रतिवाद गर्दै मिसाइल आक्रमणमा आफूहरुलाई सफलता मिलेको दावी गरेको छ ।

इजरायली सेनाले गाजापट्टीमा हवाइ हमला गरेर दक्षिणी दमास्कसमा इस्लामिक जिहाद आतंकवादी संगठनका क्याम्प नियन्त्रणमा लिएको भन्दै विज्ञप्ती जारी गरेको छ । त्यसलगत्तै दुवै पक्षबीच स्थानीय समय अनुसार रातभर दोहोरो आक्रमण भएको समाचारमा जनाइएको छ । सिरियन मानवअधिकारवादी संस्थाले दवै पक्षले अन्तर्राष्ट्रिय विमानस्थल नजिकै हमला गरेको जनाएको छ । सिरियाली समाचार संस्था सानाका अनुसार दुवै पक्षले प्रहार गरेका मिसाइल लक्ष्मा पुग्नुअघि नै गोली हानी नष्ट गरिएको थियो ।

सन् २०११ मा सिरियाको द्वन्द्व सुरु भएदेखि इजरायलले हिजबुल्लाह लडाकूलाई निशाना बनाएर सिरियामा सयौं आक्रमण गरिसकेको समाचारमा जनाइएको छ । यसैबीच दुई देशबीच तनाव बढ्दै गएपछि सर्वसाधारण बिस्थापित हुन थालेका छन् ।