अखबार नेपाल ट्रेन्डिङ

एजेन्सी: संसद निलम्बन गर्ने बेलायती प्रधानमन्त्री बोरिस जोनसनको प्रस्तावलाई महारानी एलिजावेथ द्वितीयले अनुमति दिएकी छन् । यो अनुमतिले अब बेलायती प्रधानमन्त्री बोरिसलाई अघि बढ्न सहज भएको छ । महारानी एलिजावेदको अनुमतिसँगै प्रधानमन्त्री बोरिसले आउँदो सेप्टेम्बरपछि बेलायतको संसद्‌ निलम्बन गर्ने प्रकियामा जाने अन्तराष्ट्रिय सञ्चार माध्यमले उल्लेख गरेका छन् ।

बेलायतमा प्रधानमन्त्री बोरिस जोहन्सनले संसद् निलम्बन भएपछि १४ अक्टोबरका दिन महारानीको सम्बोधन हुने पनि जनाएका छन् । संसद् भंग गर्ने सरकारको निर्णयलाई लिएर विपक्षी दलले भने आलोचना गरेका छन् । टोरी पार्टीका ब्याक बेन्चर डोमिनिक ग्रिबले सरकारको यो कदमलाई अपमानजनक भएको बताएका छन् । यस घटनाले जोनसनको सरकार तल गिरेको उनको दाबी छ । यो कदम अलोकतान्त्रिक भएको पनि सांसदहरुले बताएका छन् ।

प्रधानमन्त्री जोनसनले भने देशलाई अघि लैजानका लागि यो कदम चालिएको बताएका छन् । संसद्‌समक्ष बेलायतलाई युरोपेली संघ (इयू)बाट बाहिर ल्याउनको लागि पर्याप्त समय भएको भन्दै उनले त्यसका लागि गृहकार्य शुरु गरेको पनि बताएका छन् । बेलायत अक्टोबर ३१ मा इयुबाट बाहिरिने मिति तय भएको छ ।