अखबार नेपाल ट्रेन्डिङ

काठमाडौं: गुणस्तरहीन मह उत्पादन भईरहेको गोप्य सूचनाको आधारमा प्रहरीले काठमाडौंको ज्याठाबाट ७ हजार ६ सय लिटर नक्कली महसहित एक जनालाई पक्राउ गरेको छ ।

ग्लुकोज र चिनी मिसाएर मह उत्पादन गर्ने गरेको आरोपसहित महानगरीय प्रहरी अपराध महाशाखाले काठमाडौं-२७ ज्याठा बस्ने नरेश श्रेष्ठ भन्ने नर बहादुर श्रेष्ठलाई प्रहरीले बिहीबार पक्राउ गरेको हो ।

श्रेष्ठले आफ्नै घरमा अखाद्य वस्तुको संयोजन गरी गुणस्तरहिन नक्कली मह बनाई रहेको अवस्थामा मह बनाउनको लागि प्रयोग गरिने बिभिन्न प्रकारका सामाग्री, मेसिन, केमिकलहरु र गुणस्तरहिन मह समेत बरामद गरेको छ ।

उनीमाथि थप अनुसन्धान भइरहेको प्रहरीले जनाएको छ ।