अखबार नेपाल ट्रेन्डिङ

एजेन्सी: भारतीय प्रधानमन्त्री नरेन्द्र मोदीले आजदेखि चुनावी अभियान शुरु गर्ने भएका छन् । उनले जम्मु कश्मीरबाट चुनावी प्रचार अभियान शुरु गर्न लागेका हुन् । प्रधानमन्त्री मोदीले आजदेखि चुनाव प्रचार अभियान सुरु गर्ने र यसका लागि उनी जम्मु कश्मीर जाने कार्यक्रम रहेको सत्तारुढ भारतीय जनता पार्टी भाजपाका महासचिव राम माधवले जनाएका हुन् ।

प्रधानमन्त्री मोदीले आफ्नो चुनावी अभियान जम्मु काश्मिरबाट शुरु गर्नुले उनले त्यस ठाउँलाई दिएको महत्व पुष्टि हुने बताइएको छ । त्यहाँका केही क्षेत्रीय तथा स्थानीय राजनीतिक दलहरुले भने त्यहाँ हुने नगर र गाउँ पञ्चायतको निर्वाचन भने बहिस्कार गर्ने घोषणा गरेका छन् ।

सन् २०१४ मा भएको निर्वाचनमा जम्मु कश्मीरमा भाजपाले ६ मध्ये ३ सिट जितेको थियो । आगामी अप्रिल ११ बाट भारतमा शुरु हुने निर्वाचनका लागि राजनीतिक दलहरु चुनावलाई ध्यानमा राखेर रयाली तथा प्रचार प्रसारका अभियानलाई तीब्र पार्दै लगेका छन् ।