अखबार नेपाल ट्रेन्डिङ

काठमाडौं: कोरोना महामारीका कारण विश्वभर १ करोड ६१ लाखभन्दा बढी मानिसमा कोरोना भाइरसको संक्रमण देखिए छ ।

विश्वभर संक्रमित हुनेको संख्या १ करोड ६२ लाख ८ सय ९१ पुगेको छ । यसमध्ये ९९ लाख १३ हजार २ सय ३२ जना निको भएर घर फर्किएका छन् ।

पछिल्लो २४ घण्टामा ५ हजार ७ सय ११ जनाको कोरोना संक्रमणबाटै मृत्यु भएको छ । योसँगै मृत्यु हुनेको संख्या ६ लाख ४८ हजार ४ सय ४५ पुगेको छ ।

कोरोना भाइरसकै संक्रमणबाट युरोपियन मुलुकहरूमा २ लाख १ हजार २ सय ६३ जनाको मृत्यु भएको छ । २७ लाख ६५ हजार ५ सय ४० जना संक्रमित भएकोमा १६ लाख ६२ हजार ३ सय ७ जना संक्रमणमुक्त भएका छन् ।

उत्तर अमेरिकी मुलुकहरुमा २ लाख ६ हजार ८ सय ८० जनाको मृत्यु भएको छ । संक्रमितको संख्या ५० लाख ५० हजार १ पुगेको छ । त्यसमध्ये २५ लाख १७ हजार १ सय ६८ जना संक्रमणमुक्त भएका छन् ।

यस्तै एसियाली मुलुकहरूमा ८८ हजार ६ सय ४७ जनाको मृत्यु भएको छ । ३८ लाख २६ हजार ६ सय ४६ जना संक्रमित भएकोमा २७ लाख ६५ हजार २ सय २७ जना संक्रमणमुक्त भएका छन् ।

दक्षिण अमेरिकी मुलुकहरूमा १ लाख ३२ हजार ९ सय ८० जनाको मृत्यु भएको छ । ३६ लाख ९४ हजार ३ सय ८२ जना संक्रमित भएकोमा २४ लाख ५८ हजार १ सय ९२ जना संक्रमणमुक्त भएका छन् ।

अफ्रिकी मुलुकहरूमा १७ हजार ५ सय ६३ जनाको ज्यान गएको छ भने ८ लाख ३२ हजार ३ सय ८० संक्रमित छन् । संक्रमितमध्ये ४ लाख ८७ हजार २ सय ६७ जना संक्रमणमुक्त भएका छन् ।

त्यस्तै अष्ट्रेलियासहित ओसिनियाका मुलुकहरूमा १ सय ६७ जनाको मृत्यु भएको छ । १५ हजार ६ सय ५४ जना संक्रमित भएकोमा १० हजार ६ सय ४१ जना संक्रमणमुक्त भएका छन् ।