अखबार नेपाल ट्रेन्डिङ

एजेन्सीः विश्वभर महामारीको रुपमा फैलिएको कोरोना भाइरसको संक्रमणबाट मृत्यु हुनेको संख्या ४ लाख ८ हजार नाघेको छ । पछिल्लो २४ घण्टामा विश्वभर ३ हजार १ सय ४७ जनाको मृत्यु भएको छ । योसँगै मृतकको संख्या ४ लाख ८ हजार ६ सय १५ पुगेको छ ।

विश्वका २ सय १३ मुलुक र २ पानीजहाजमा गरि संक्रमित हुने मानिसको संख्या ७१ लाख ९३ हजार ४ सय ७६ पुगेको छ । पछिल्लो २४ घण्टामा १ लाख ६ हजार ३ सय ५७ जना नयाँ संक्रमित थपिएका छन् । यो सँगै संक्रमितको संख्या ७१ लाख ९३ हजार ४ सय ७६ पुगेको हो ।

३२ लाख ४९ हजार २ सय ६ जनाको उपचार भइरहेकोमा ५३ हजार ७ सय ९८ जनाको अवस्था गम्भीर छ । ३५ लाखभन्दा बढी मानिस उपचारपछि निको भएका छन् । कोरोना भाइरसकै संक्रमणबाट युरोपियन मुलुकहरुमा मंगलबार बिहानसम्म १ लाख ७९ हजार ३ सय ६० जनाको मृत्यु भएको छ । २१ लाख ९ हजार १ सय ७८ जना संक्रमित भएकोमा १० लाख ८८ हजार ९ सय १५ जना संक्रमणमुक्त भएका छन् ।

उत्तर अमेरिकी मुलुकहरुमा १ लाख ३६ हजार ३८५ जनाको मृत्यु भएको छ । संक्रमितको संख्या २३ लाख ३ हजार ३ सय ३६ पुगेको छ । त्यसमध्ये ९ लाख ४३ हजार २ सय ७७ जना संक्रमणमुक्त भएका छन् । यस्तै एसियाली मुलुकहरुमा ३५ हजार ६ सय ३९ जनाको मृत्यु भएको छ । १३ लाख ९२ हजार ४ सय ८२ जना संक्रमित भएकोमा ८ लाख ४२ हजार ९ सय १४ जना संक्रमणमुक्त भएका छन् ।

दक्षिण अमेरिकी मुलुकहरुमा ५१ हजार ३ सय २७ जनाको मृत्यु भएको छ । ११ लाख ७६ हजार २ सय ७६ जना संक्रमित भएकोमा ५ लाख ५९ हजार ९ सय ६१ जना संक्रमणमुक्त भएका छन् । अफ्रिकी मुलुकहरुमा ५ हजार ३ सय ९० जनाको ज्यान गएको छ भने १ लाख ९९ हजार संक्रमित छन् । संक्रमितमध्ये ८८ हजार २ सय १२ जना संक्रमणमुक्त भएका छन् । त्यस्तै अष्ट्रेलियासहित ओसिनियाका मुलुकहरुमा १ सय २४ जनाको मृत्यु भएको छ । ८ हजार ८ सय ७५ जना संक्रमित भएकोमा ८ हजार २ सय ९४ जना संक्रमणमुक्त भएका छन् ।