अखबार नेपाल ट्रेन्डिङ

काठमाडौं : कवि तथा गीतकार अमरदीप सुनुवारको ‘दिनरात सधैं सधैं’बोलको गीतको म्यूजिक भिडियो सार्वजनिक भएको छ । उपसचिवसमेत रहेका सुनुवारले दोस्रो प्रस्तुति ‘दिनरात सधैं सधैं’को म्युजिक भिडियो आफ्नै यूट्युव च्यानलबाट सार्वजानिक गरेका हुन् ।

उनले काभ्रेपलाञ्चोक जिल्लाको सहायक प्रमुख जिल्ला अधिकारी रहँदा ‘लिखु खोलाको तिरैतिर’भन्ने गीत दर्शक स्रोता माझ ल्याएका थिए । सुनुवार ललितपुरको सहायक प्रमुख जिल्ला अधिकारीको जिम्मेवारी सम्हालेर केहि दिन अगाडि मात्र गृह मन्त्रालयमा सरुवा भएका छन् । ‘दिनरात सधैं सधैं’बोलको गीतमा अमरदीप सुनुवारको शब्द, वरिष्ठ संगीतकार शान्तिराम राईको संगीत र भ्वाइस अफ नेपालका विजेता विनोद राईको स्वर रहेको छ ।

सुनुवारको गीतमा घरबाट टाढा रहँदा गाउँमा रहँदाको याद स्मरण गराएको छ । गीतमा आफू जन्मेको गाउँ, आफ्ना साथीहरु, छिमेक र आफन्तसँग खेलेका, मेला महोत्सव र अर्मपर्म गर्दाको याद दिलाएका छन् । वैदेशिक रोजगारीको कारण नेपाली विदेशिएपछि पाउने दुःख र कष्टलाई गीतले मार्मिक ढंगमा उतारिएको छ ।  गीतमा गाउँको यादले चाँडै घर फर्कन मन लागेको अभिव्यक्त गरिएको छ ।

(भिडियोसहित)