अखबार नेपाल ट्रेन्डिङ

काठमाडौं: ‘जो धेरै हाँस्छ उ धेरै बाँच्छ’ भन्ने मुल नाराका साथ हास्य कलाकार गणेश ईशारा राईको  १४औं एकल ‘अल नेपाल कमेडी सो २०८१’  बैशाख ६ गते काठमाडौंको राष्ट्रिय नाचघरबाट प्रारम्भ हुने भएको छ । कार्यक्रमको संयोजक बन्दना किराँती, धरान ट्राभल्स टुर एण्ड प्रा.लि. सातदोबाटोको आयोजनामा सुरु हुन लागेको हो ।

कलाकार ईशाराले आफ्नै हजुर आमाको नाममा बिरमाया राई ‘सोभोमा’ स्मृतिकोष स्थापना गरि बिभिन्न समस्यमा परि भैपरि आउने दुखी, पिडितहरुलाई सहायोग गर्दै आएका छन् । कलाको माध्यामबाट ईशाराले बिगतमा मृगौला पिडित खोटाङका हस्तबहादुर तामाङ, भोजपुरकी सिर्जना राई, राजेन्द्र राई, दोलखाकी कौसिका ठकुरी, झापाकी ललिता चाम्लिङ लगायतलाई उपचारका लागि आर्थिक सहयोग उपलब्ध गराई सकेका छन् ।

गायनसँगै समाजसेवामा समेत सक्रिय चर्चित हाँस्य कलाकार ईशाराले गाईजात्रा कोसेली ‘सदन हल र भट्टी पसल उस्तै’, ‘साधेतन्त्र’ र ‘भद्रगोल डटकम’ ‘दुर्गती’ जस्ता गाईजात्रे एल्बम श्रोता दर्शक माझ ल्याईसकेका छन् । त्यस्तैगरि उनले दर्जनौ म्युजिक भिडियोको निर्देशन र अभिनयसँगै धेरै संख्यामा इभेन्ट अर्गानाइजेसनका कामहरु पनि गरेका छन ।