अखबार नेपाल ट्रेन्डिङ

काठमाडौं: लेखक डा. खगराज बरालको शब्दमा लोक लयमा आधारित आधुनिक गीत ‘माया सिम्ले छौ कि जल्किनी’ को म्यूजिक भिडियो सार्वजनिक हुने तयारीमा रहेको छ ।

दशैको शुभ-कामना सहित बजारमा आउन लागेको यस गीतमा गायिका रचना रिमाल र नवोदित गायक राजन बरालको स्वर रहेको छ । यस गीतको संगीत राजन बरालले भरेका छन् भने मनोहर सुनामको एरेन्जर रहेको यस गीतलाई वयष्क युवायुवतीको प्रेमकथामा आधारित शब्द चयन गरिएको छ ।

म्युजिक भिडियोमा उदयीमान मोडल सन्तोषकुमार दाहाल र देवी त्रिपाठीको उत्कृष्ट अभिनय देख्न सकिन्छ । मुनलाइट इन्टरनेसनल मिडिया प्रा.लि. द्वारा निर्मित म्युजिक भिडियोलाई श्याम ढकालले निर्देशन गरेका छन् । नगरकोट र साँखुको प्राकृतिक दृश्यमा छायाङ्कन गरिएको उक्त म्युजिक भिडियोको छायाङ्कन कृष्ण महराले गरेका छन् । उक्त म्यूजिक भिडियो मुनलाइट इन्टरनेसनल मिडिया प्रा.लि.को अफिसियल युट्युब च्यानलबाट सार्वजनिक हुने तयारीमा रहेको छ ।