अखबार नेपाल ट्रेन्डिङ

काठमाडौं: गायिका समीक्षा अधिकारीले फेसबुकमा स्टाटस लेख्दै अस्ट्रेलियाको भिसा रद्द भएको खबर हल्ला मात्र भएको बताएकी छिन् ।

बिहीबार दिउँसो स्टाटस लेख्दै समीक्षाले आफ्नो बदनाम गराउन खोजिएको आरोप लगाएकी छिन् । सत्य तथ्य नबुझी आफूमाथि प्रहार नगर्न उनले अपिल गरेकी छिन् ।

‘एउटा उमेर पुगेको मान्छे अष्ट्रेलिया नियम परिधिभित्र रहेर आफ्नो बसाइ अष्ट्रेलीयामा लम्बाएर बस्दा एकतर्फी रुपले अलिकति पनि कुरा नबुझी किन म माथि प्रहार गर्नु भो ? अहिलेको मेरो भिसा निवेदनको स्थितिमा फाइनान्सको केही डकुमेन्ट थप गर्नुपर्ने स्थितिमा मैले पठाई सकेकी छु भएको यति हो’, उनले लेखेकी छिन् ।

आफूले ठूला प्रहार खपिसकेको भन्दै उनले सके मिठा शब्द बोलिदिएर मनोबल बढाइदिन आग्रह गरेकी छिन् । ‘सक्नु हुन्न मलाई मानसिक तनाव नदिनुस् । आज यति मात्र भन्न चाहे कि म ब्ल्याक लिस्टमा परेको भन्ने खबर सरासर झुठो हो’, उनले भनेकी छिन् ।

फेसबुकमा स्टाटस: