अखबार नेपाल ट्रेन्डिङ

काठमाडौं: हाँस्यकलाकार गणेश इशारा राईको ‘अल नेपाल एकल कमेडी शो-२०७९’ भोलि शनिबार काठमाडौको जमलमा रहेको नाचघरमा धमाका मच्चाउने भएका छन् ।

जहाँ इशारासँगै ख्याति प्राप्त वरिष्ठ कलाकारहरु समेतले भरपुर मनोरञ्जन दिलाउनेछन् ।

सफल महिला उद्यमी तथा वरिष्ठ समाजसेवी सुमित्रा बस्नेतको प्रमुख आतिथ्यमा हुने कार्यक्रममा वरिष्ठ गीतकार, गजलकार तथा साहित्यकार अमर वान्तुलाई विशिष्ट स्रष्टा सम्मान-२०७९ ले सम्मान गरिने कार्यक्रम पनि रहेको छ ।

विगत लामो समयदेखि विश्वभर महामारीको रुपमा फैलिएको कोभिड-१९ का कारण रोकिएको हास्य कलाकार  ईशाराको एकल ‘अल नेपाल कमेडी सो’ कार्यक्रम पुन: सुरु हुने भएको हो ।

जो धेरै हाँस्छ उ धेरै बाँच्छ, भन्ने मुल नाराका साथ इशाराको एकल ‘अल नेपाल कमेडी शो-२०७९’ कार्यक्रममा बिशिष्ट ब्याक्तित्वका साथ वरिष्ठ कलाकारहरुको उपस्थितिमा कार्यक्रम हुनेछ ।

दर्जनौ म्यूजिक भिडियो निर्देशन गरिसकेका इशारा गाईजात्रा कोसेली ‘सदन हल र भट्टी पसल उस्तै’, ‘साधेतन्त्र’ र ‘भद्रगोल डटकम’ मा अभिनय गरिसकेका छन् ।

हास्य कलाकार ईशाराले विगत २०५४ सालदेखि मुटु रोगी, मृगौला रोगी, बृद्ध आश्रामदेखि विभिन्न पिडितहरुलाई उपचार र सहयोग गर्न सफल एक समाजसेवी तथा कलाकार हुन् ।

कलाकार ईशाराले आफ्नै हजुर आमाको नाममा बिरमाया राई ‘सोभोमा’ अक्षयकोष स्थापना गरि आउँदा दिनहरुमा बिभिन्न समस्यमा परि भैपरि आउने दुखी, पिडितहरुलाई सहायता दिन सकुँ भन्ने हेतुले अक्षकोष निर्माण गरेको कलाकार ईशाराले बताए ।

कार्यक्रमलाई रोकिबा मल्टी प्रपोजले प्रायोजन गरेको छ भने एक्सन ईन्टरटेटमेन्ट, झर्ना कला केन्द्र र जुनतारा सांस्कृतिक सेवा समाजले संयुक्त आयोजना गरेको हो ।