अखबार नेपाल ट्रेन्डिङ

एजेन्सी: युरोपियन युनियनबाट बाहिरिने विषयमा पुन जनमत संग्रहको माग गर्दै बेलायतको लन्डनमा प्रदर्शन भएको छ । युरोपियन युनियनबाट बाहिरिनु हुन्ने भन्ने समूहले बेलायती संसद् भवन अगाडि गरेको प्रदर्शनमा हजारौं सहभागी थिए ।

प्रदर्शनमा सहभागी भएकाहरुले अर्को जनमत संग्रहको माग गरेका छन् । ईयूबाट बेलायतको बहिर्गमन हुनुहुन्न भन्ने पक्षका ठूलो समूहमा राजधानी पुगेका समर्थक लण्डनको हाइड पार्कमा जम्मा भै मध्य लण्डन हुँदै शहरका विभिन्न स्थानमा पुगेका थिए । उनीहरूले ब्रेक्जिटको बिषयले राजनीतिक अन्योलता हुँदा यसको प्रभाव सम्पूर्ण क्षेत्रमा देखिन थालेको दाबीसहित यस विषयमा पुन जनमत संग्रहको माग माग गरेका छन् ।

ब्रेक्जिटको विपक्षमा भएको बृहद् जनप्रदर्शन ऐतिहासिक भएको र यसले उठाएको माग सम्बोधन गर्नुपर्ने कार्यक्रममा सरिक नेताहरुले समेत बताएका थिए । उनीहरुले ब्रेक्जिटको विषय अन्योलपूर्ण भएकाले यसबारे नयाँ निर्णय लिन जनदबाब सिर्जना गर्ने बताएको अन्तराष्ट्रिय सञ्चार माध्यमले खबर लेखेका छन् ।