अखबार नेपाल ट्रेन्डिङ

काठमाडौं: अटोमोबाइल क्षेत्रका दुई ठूला प्रदर्शनी एक हप्ताको अन्तरालमा आयोजना हुँदैछन् । नेपाल अटोमोबाइल इम्पोर्टर्स एण्ड म्यानुफ्याक्चर्स एसोसिएसन (नाइमा) ले ‘नाइमा नेपाल मोबिलिटी एक्स्पो’ र नेपाल अटोमोबाइल्स एसोसिएसन (नाडा) ले ‘नाडा अटो शो’ आयोजना गर्न लागेका हुन् ।

यी दुबै प्रदर्शनी काठमाडौंको भृकुटीमण्डपमा हुनेछन् । एकै समयमा दुई ठूला अटो शो आयोजनाले दुई छाता संगठनबीच व्यावसायिक प्रतिस्पर्धा बढ्ने देखिएको छ । यी दुबैले मेलाको तिव्र तयारी गरिरहेका छन् । नाइमाले आयोजना गर्ने ‘नाइमा नेपाल मोबिलिटी एक्स्पो २०२५’ यही साउन २१ गतेदेखि २५ गतेसम्म चल्नेछ । यो नाइमाको पहिलो अटो प्रदर्शनी हो ।

नाइमाकी अध्यक्ष रितु सिंह वैद्यका अनुसार नाइमा मोबिलिटी एक्स्पोमा ५० भन्दा बढी ब्राण्डहरू सहभागी हुनेछन् । प्रदर्शनीमा १५ वटा दुई पाङ्गे, १५ वटा चार पाङ्गे, र ५ वटा कर्मसियल गाडीहरू सार्वजनिक गरिने तयारी छ । त्यस्तै, एक सातापछि नाडाले ‘नाडा अटो शो २०२५’ भदौ ३ देखि ८ गतेसम्म आयोजना गर्दैछ । नाडाले मंगलबार पत्रकार सम्मेलन मार्फत यस अटो शोबारे विस्तृत जानकारी दिँदैछ ।