अखबार नेपाल ट्रेन्डिङ

काठमाडौं: एनआईसी एशिया बैंकको कार्ड सम्बन्धी सम्पुर्ण कारोबार दुई दिन अवरुद्ध हुने भएको छ । बैंकले शुक्रबार एक सूचना जारी गर्दै शुक्रबार राती देखि आइतबार राती १२२ बजेससम्म बैंकको कार्डसम्बन्धी सम्पूर्ण कारोबार बन्द हुने जनाएको हो ।

बैंकले जारी गरेको सूचनामा भनिएको छ,‘यस बैंकको कार्ड सेवा (डेबिट/क्रेडिट/प्रिपेड) को स्विच अपग्रेशन/माइग्रेशन गनुपर्ने भएकोले शुक्रबार राती १२ बजेदेखि आइतबार राती १२ बजेसम्म कार्डबाट हुने सम्पूर्ण कारोबार तथा एटीएम पीओएस मेसिनबाट हुने कारोबार अवरुद्ध हुने छ ।’

कार्ड सम्बन्धी सेवा अवरुद्ध हुने समयमा मोबाइल बैंकिङ तथा अन्य माध्यमबाट प्रवकाह हुने सेवाहरु भने यथावत रुपमा सञ्चालन हुने बैंकले जनाएको छ ।

बैंकले आफूले गर्न लागेकोयस प्रकारको अपग्रेडका कारण ग्राहकहरुमा पर्न गएको असुविधा प्रति क्षमा याचना गरेको छ । त्यसैगरी सो बैंकले यसबारे थप जानकारीका लागि भन्दै सम्पर्क नम्बरहरु समेत उपलब्ध गराएको छ । त्यस बाहेक बैंकका शाखा प्रबन्धकहरुसँग सम्पर्क गरेर परेका अप्ठ्याराहरुमा सहजता खोज्न सकिने पनि बैंकले जनाएको छ ।