अशोक शेरचन प्रभु बैंकको सीईओमा नियुक्त
वि.सं.२०७९ माघ १३ शुक्रवार ०९:४५
काठमाडौं: सेञ्चुरी बैंकसँगको मर्जरपछि प्रभु बैंकको प्रमुख कार्यकारी अधिकृत(सीईओ)मा अशोक शेरचन नियुक्त भएका छन् ।
दुई साताअघि सेञ्चुरी कमर्शियल बैंकलाई प्रभुमा समाहित गरेपछि अशोक तेस्रो कार्यकालका लागि सीईओ बनेका हुन् ।
यसअघि सोही बैंकमा दुई कार्यकाल सीईओ भएका सेरचन दुई बैंक मर्जभएपछि पुनः अर्को कार्यकालका लागि नियुक्त भएका हुन् । उनी २०७५ माघ १८ गते बैंकको सीईओ नियुक्त भएका थिए ।
शेरचनको नेतृत्वमा समस्याग्रस्त किष्ट बैंक र ग्राण्ड बैंकलाई प्राप्त गरेर प्रभु फाइनान्स, प्रभु विकास बैंक हुँदै प्रभु बैंकमा स्तरोन्नति भएको हो । २०७१ भदौ ३० गते तत्कालीन किष्ट बैंक, प्रभु विकास बैंक, गौरीशंकर डेभलपमेन्ट बैंक र जेनिथ फाइनान्स मर्ज गरी प्रभु बैंकको नामबाट कारोबार सुरु भएको थियो ।
वि.सं.२०७९ माघ १३ शुक्रवार ०९:४५