अखबार नेपाल ट्रेन्डिङ

काठमाडौं: निशाना बचत तथा ऋण सहकारी संस्था लिमिटेडले १२औं वार्षिक साधारण सभा सम्पन्न गरेको छ । सञ्चालक तथा अध्यक्ष गंगाराम राईको अध्यक्षतामा साधारण सभा सम्पन्न भएको हो ।

संस्थाको गत वर्ष शेयर पुँजी ५ करोड १० लाख ९५ हजार ५४७ दशमलव ५० रहेको थियो भने यस वर्ष वर्षको शेयर पुँजी ६ करोड ९४ लाख ५८ हजार ६९३ दशमलव ९८ पुगेको छ ।

गत वर्ष कुल पुँजी तथा दायित्व ६ करोड ८५ लाख ४० हजार २६१ दशमलव ८९ थियो भने यस वर्षको कुल पुँजी तथा दायित्य ८ करोड ६८ लाख ३८ हजार ९९३ दशमलव ८८ रहेको छ ।

साधारण सभामा अध्यक्ष गंगाराम राईले संस्थाको कुल आय-ब्यय, नाफा-घाटा लगायतको सम्पूर्ण विवरण सहित आर्थिक प्रतिवेदनको सारांस सहित संस्थाको भावी योजना प्रस्तुत गरेका थिए ।

सभालाई सम्बोधन र स्वागत गर्दै अध्यक्ष राईले स्थापनाकालदेखि हालसम्म निरन्तर साथ सहयोग दिनुहुने संस्थापक सदस्यहरू, कार्य समितिका पदाधिकारीहरु, कर्मचारी र शेयरधनीहरूलाई एकमुष्ट हार्दिक धन्यवाद ज्ञापन व्यक्त गरे ।

साधारण सभामा प्रमुख अतिथिको रुपमा कानुनी सल्लाहकार तथा अधिवक्ता ठाकुरप्रसाद आचार्यले संस्था उत्तरोत्तर प्रगतिको शुभ-कामना दिए ।  त्यसैगरी लेखापरिक्षक युवराज राईले संस्थाको शुभ-कामना दिए । साधारण सभाको कार्यक्रम संस्थाको सञ्चालक समिति सदस्य गजेन्द्र राईले सञ्चालन गरेका थिए ।

साधारण सभाको एक झलकः