अखबार नेपाल ट्रेन्डिङ

काठमाडौं: सेयर कारोबारको तेस्रो दिन नेप्से परिसूचक ५६.१० अंकले बढेर १०३०.९७ विन्दुमा पुगेर हरियाली छाएको छ ।

अघिल्लो कारोबार दिन सोमबार नेप्से परिसूचक १६.३९ अंकले वृद्धि भएको थियो । सो दिन २२४ कम्पनीको २५ लाख ७४ हजार ९७५ कित्ता सेयर ६९ करोड ७३ लाख १७ हजार ६११ रुपैयाँमा खरिदबिक्री भएको थियो ।

नेप्से उच्च अंकले बढेसँगै कारोबार रकम पनि बढेको छ । आज २३१ कम्पनीको ३९ लाख ७१ हजार ५९४ कित्ता सेयर १ अर्ब  २९ करोड ६ लाख ६४ हजार ६४२ रुपैयाँमा खरिद बिक्री भयो ।

आज कारोबारमा आएका १३ वटै समूहको सूचक बढेका छन् । अदर्श समूहका लगानीकर्ताले ५.२८ प्रतिशतले कमाएका छन् ।

सो समूहको मूल्य ५.२८ प्रतिशतले बढ्दा ट्रेडिङको ४.५६,हाइड्रोपावरको ४.३७ र इन्भेस्टमेन्टको ४.१७ प्रतिशतले मूल्य बढेको हो ।

फाइनान्सको ३.९५ र मनु एन्ड प्रोको ३.३३ प्रतिशतले मूल्य बढ्दा माइक्रो फाइनान्सको २.१९,लाइफ इन्स्योरेन्सको  २.०१,नन लाइफ इन्स्योरेन्सको  २.४२, होटल्स एन्ड टुरिजमको २.०९ र बैंकिङ समूहको २.२ प्रतिशतले मूल्य बढ्यो ।

यसदिन न्यादी हाइड्रोपावरको सेयर मूल्य १० प्रतिशत र युनिभर्सल पावरको ९ प्रतिशतले मूल्य बढ्यो । कारोबारको आधारमा एनआईसी एसिया बैंक अग्रस्थानमा रह्यो । सो बैंकको ६ करोड ६५ लाख ६० हजार २१५ रुपैयाँ सेयर कारोबार भयो ।

सोमबार पनि सोही बैंक शीर्षस्थानमा रहेको थियो। सो दिन ६ करोड १७ लाख २१ हजार २३२ रुपैयाँको सेयर कारोबार भएको थियो ।