अखबार नेपाल ट्रेन्डिङ

काठमाडौं: साताको दोस्रो दिन सोमबार नेपाल स्टक एक्सचेन्ज (नेप्से) परिसुचक दोहोरो अंकले उकालो लागेको छ ।

आइतबार ओरालो लागेको बजारमा सोमबार भने १५.७१ अंकको वृद्धि भएको हो ।

आज बढेको बजारमा बैंकिङ, होटल तथा पर्यटन र माइक्रोफाइनान्स बाहेकका सबै समुह उकालो लागेका छन् ।

नेप्सेका अनुसार आज सबैभन्दा बढि जिवन बीमा समुहको परिसुचकमा वृद्धि आएको देखिन्छ ।

जिवन बीमा समुहको परिसुचक आज १ सय २४ अंकले बढ्दा निर्जिवन बीमा समुहको परिसुचक ७६ अंकले उकालो लागेको छ ।

यस्तै आज अन्य समुहको परिसुचकमा ५४ अंकको वृद्धि हुँदा उत्पादनमुलक क्षेत्रको परिसुचकमा ३४ अंकको वृद्धि देखिएको छ ।

बजारमा सबैभन्दा धेरै प्रभुत्व भएको बैंकिङ समुहको परिसुचकमा भने आज ३.७८ अंकको गिरावट आएको छ ।

आज दिनभर २२४ कम्पनीका ९५ लाख १२ हजार ५८० कित्ता सेयर किनबेच हुँदा कारोबार रकम ५ अर्ब २ करोड २० लाख नाघेको छ ।