अखबार नेपाल ट्रेन्डिङ

काठमाडौं: आइतबार शेयर बजार ९७ दशमलव २१ अंकले बढेर २ हजार ९ सय ८० दशमलव ६१ विन्दुमा कायम भएको छ ।

आज दिनभरीमा २ सय २१ वटा कम्पनीको २ करोड ८८ लाख ६३ हजार ९३ कित्ता शेयर किनबेच हुँदा ११ अर्ब ६३ करोड ८१ लाख २६ हजार रुपैयाँको शेयर कारोबार भएको छ ।

आज सबैभन्दा धेरै शेयर कारोबार मञ्जुश्री फाइनान्स कम्पनीको भएको छ ।

कम्पनीको ४० करोड ९९ लाख ७५ हजार रुपैयाँको शेयर कारोबार भएको छ ।

त्यस्तै, नबिल बैंकको ३८ करोड ६३ लाख, अरुण भ्याली हाइड्रोपावर कम्पनीको ३७ करोड ६८ लाख, एनआईसी एशिया बैंकको ३५ करोड ३५ लाख, कामना सेवा विकास बैंकको ३४ करोड ११ लाख रुपैयाँको शेयर कारोबार भएको छ ।

सबैभन्दा धेरै हिमालयन पावर पार्टनर, समृद्धि फाइनान्स कम्पनी, सिन्धु विकास बैंक, ङादी ग्रुप, सिङगटी हाइड्रोपावर कम्पनीका लगानीकर्ताले कमाएका छन् । कम्पनीका लगानीकर्ताले १० प्रतितशका दरले कमाएका हुन् ।