अखबार नेपाल ट्रेन्डिङ

काठमाडौं:  मनकामना स्मार्ट लघुवित्त वित्तीय संस्था लिमिटेडको आईपीओ आज सोमबार बाँडफाँड गरिएको छ । धितोपत्र बिक्री प्रबन्धक एनएमबी क्यापिटलको नक्सालस्थित नागपोखरीमा रहेको कार्यालयमा बिहान ९:३० बजे बाँडफाँड गरिएको हो।

मनकामना स्मार्ट लघुवित्तले गत असार १७ गतेदेखि असार २१ गतेसम्म आईपीओ बिक्री गरेको थियो। कम्पनीले १०० रुपैयाँ अंकित दरका कुल ३ लाख ८९ हजार कित्ता आईपीओ निष्कासन गरेको थियो। जसमा ०.५ प्रतिशत सेयर कर्मचारीहरुलाई र कुल निष्कासनको ५ प्रतिशतले हुन आउने १९ हजार ४५० कित्ता सेयर सामूहिक लगानी कोषका लागि सुरक्षित गरिएको थियो। बाँकी ३ लाख ६३ हजार ४९२ कित्तामा सर्वसाधारणले आवेदन दिएका छन्।

एनएमबि क्यापिटलका अनुसार यो आईपीओमा कुल १९ लाख ५४ हजार २७४ आवेदकबाट २ करोड ५१ लाख ३३ हजार २९० कित्ताका लागि खरिद आवेदन परेको छ। तीमध्ये ३२ हजार ८५९ आवेदकबाट परेको ४ लाख ३० हजार ७१० कित्तालाई शंकास्पद भनिएको छ। ती शंकास्पदमध्ये २ हजार ७५३ आवेदकबाट परेको ३७ हजार ९२० कित्तालाई बदर गरिएको छ।

क्यापिटलका अनुसार १९ लाख ५१ हजार ५२१ आवेदकबाट परेका कुल २ करोड ५० लाख ९५ हजार ३७० कित्ता सदर भएका छन्। मागभन्दा बढी आवेदन परेका कारण यो आईपीओ गोलाप्रथाबाट बाँडफाँड गरिएको छ। जसअनुसार ३६ हजार ३४९ आवेदकले १० कित्ताका दरले सेयर पाएका छन्। तीमध्ये १० कित्ताभन्दा बढी आवेदनमध्येबाट गोलाप्रथाबाट भाग्यमानी २ दुईजनाले थप १/१ कित्ता सेयर पाएका छन्।

यो आईपीओ अन्तिम नतिजा केही घन्टापछि सार्वजनिक गरिने एनएमबि क्यापिटलले जनाएको छ। आईपीओ अन्तिम नतिजा सीडीएससीको https://iporesult.cdsc.com.np/ मा, एनएमबि क्यापिटल र सम्बन्धित आईपीओ निष्कासनकर्ता मनकामना स्मार्ट लघुवित्तको वेबसाइटमा हेर्न सकिनेछ।

यो पनी पढ्नुहोस् :

नेपाल बंगलादेश बैंकले किसान कृषि लोन कार्ड वितरण