अखबार नेपाल ट्रेन्डिङ

काठमाडौं: नेपाल स्टक एक्सचेञ्ज (नेप्से)मा आज उच्च अंकको बृद्धि भएको छ ।

आज नेप्से ५५.७६ अंकले बढेर २ हजार ८ सय २७ दशमलब १३ विन्दुमा पुगेको छ ।

११ अर्ब ३५ करोड १८ लाख बराबरको कारोबार भएका समूहमध्ये म्यूचुअल फण्ड बाहेक अन्य समूह बढेका छन् ।

आज १४ कम्पनीको शेयर मूल्यमा उच्च बृद्धि भएको छ ।

शेयरमूल्यमा उच्च बृद्धि हुने कम्पनीहरुमा राष्ट्रिय बीमा कम्पनी, सनिमामाई हाइड्रोपावर, मञ्जुश्री फाइनान्स, पोखरा फाइनान्स, समृद्धि फाइनान्स, लुम्बिनी विकास बैंक, जानकी फाइनान्स र गुहेश्वरी मचेन्ट बैंक एण्ड फाइनान्स कम्पनी रहेका छन् ।

आइसीएफसी फाइनान्स कम्पनी, श्री इन्भेष्टमेन्ट फाइनान्स कम्पनी, नेपाल रिइन्स्योरेन्स कम्पनी, युनियन हाइड्रोपावर कम्पनी, रिलायन्स फाइनान्स कम्पनी र गुरास फाइनान्स कम्पनीको शेयरमूल्यमा उच्च बृद्धि भएको छ ।

आज राधी विद्युत कम्पनीका लगानीकर्ताले सर्वाधिक गुमाएका छन् । यस कम्पनीको शेयर मूल्य आज ७.२३ प्रतिशतले घटेको छ ।

यता, कारोबारको आधारमा आज सबैभन्दा बढी कारोबार नेपाल रि–इन्स्योरेन्स कम्पनी भएको छ ।

यस कम्पनीको आज १ अर्ब ३७ करोड ८७ लाख ९० हजार ६ सय २२ रुपैयाँको शेयर कारोबार भएको छ ।