अखबार नेपाल ट्रेन्डिङ

काठमाडौं:   यूनाइटेड इन्स्योरेन्स कम्पनीको प्रमुख कार्यकारी अधिकृत उपासना पौडेल भएकी छिन् । कम्पनीको सञ्चालक समितिले आगामी ४ वर्षका लागि पौडेललाई प्रमुख कार्यकारी अधिकृतमा नियुक्त गरेको हो ।

कम्पनीले नियुक्ती गरेसँगै पौडेल बीमा क्षेत्रकै पहिलो महिला प्रमुख कार्यकारी अधिकृत हुन सफल भएकी छिन् । ३४ वर्षकी पौडेल इन्स्योरेन्स क्षेत्रकै सबैभन्दा कान्छी सिइओ हुन ।

पौडेलले भरतको आईसीआईसीआई लोम्बार्ड इन्स्योरेन्स र भारती एक्सामा एक दशक भन्दा लामो समय काम गरेकी छिन् । सानिमा जनरल इन्स्योरेन्सको सहायक महाप्रवन्धकमा डेढ वर्ष काम गरेकी पौडेल यूनाइटेड इन्स्योरेन्समा डेढ वर्षदेखि कार्यरत छिन् । उनले भारतको दिल्ली युनिभर्सिटिबाट एमबिए गरेकी छिन् ।

कम्पनीको सञ्चालक समितिले पौडेललाई प्रमुख कार्यकारी अधिकृतमा नियुक्तिका लागि बीमा समितिमा स्वीकृतिका लागि पठाएको थियो । बीमा समितिले स्वीकृति प्रदान गरे सँगै उनलाई जिम्मेवारी प्रदान गरिएको हो ।

यूनाइटेड इन्स्योरेन्स कम्पनीको प्रगति ग्राहकको सन्तुष्टि तथा दक्ष जनशक्तिबाट मात्रै संभव हुने कुरामा विश्वास राख्ने पौडेलले  कर्मचारीको टिम वर्कलाई  विशेष ध्यान दिने गरेकी छिन् । उनको आगमन संगै कम्पनी निरन्तर अगाडि बढिरहेको अवस्थामा प्रमुख कार्यकारी अधिकृतको रुपमा नियुक्ती संगै थप उचाईमा पुग्ने कम्पनीले  विश्वास लिएको छ ।

यो पनि पढ्नुहोस् :

सामुदायिक लघुवित्त वित्तीय संस्थाको खुद नाफा १७ प्रतिशत कम