अखबार नेपाल ट्रेन्डिङ

काठमाडौं:  नेपाल दुरसञ्चार कम्पनी र महालक्ष्मी विकास बैंकले चैत १३ गते शुक्रवार वार्षिक साधारण सभा आयोजना गर्ने भएको छ । नेपाल दुरसञ्चार कम्पनीले १३ औं वार्षिक साधारण सभा र महालक्ष्मी विकास बैंकले १९औं वार्षिक साधारण सभा बोलाएको हो ।

नेपाल दुरसञ्चार कम्पनीको साधारण सभा त्रिभुवन आर्मी अफिसर्स क्लब, टुँडिखेल, काठमाडौंमा विहान ११ बजे सुरु हुनेछ । सभाले गत आर्थिक वर्ष ०७६/७७ को वार्षिक प्रतिवेदन सहितका वित्तीय विवरण पारित गर्नुका साथै प्रस्तावित ४० प्रतिशत नगद लाभांश पारित गर्नेछ ।

उक्त सभामा चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणको कार्यक्रम तय भएको छ । सर्वसाधारण शेयरधनीहरुको तर्फबाट सञ्चालकको निर्वाचन लाई सभाले अनुमोदन गर्नेछ ।

कम्पनीले सर्वसाधारण शेयरधनीको तर्फबाट सञ्चालक समितिमा प्रतिनिधित्व हुने गरी अम्बिका प्रसाद पौडेल निर्विरोध निर्वाचित भैसकेका छन् । उक्त निर्वाचनलाई सभाले अनुमोदन गर्नेछ ।

साधारण सभा प्रयोजनका लागि नेपाल दुरसञ्चार कम्पनीले फागुन २८ गतेदेखि सभा हुने दिनसम्म बुक क्लोज गरेको छ । बुक क्लोजको आधारमा फागुन २६ गतेसम्म कायम शेयरधनीहरु मात्र लाभांश प्राप्त गर्न र सभामा भाग लिन योग्य भएका छन् ।

महालक्ष्मी विकास बैंकको वार्षिक साधारण सभा कम्पनीको रजिष्टर्ड कार्यालय दरबारमार्ग, काठमाडौंमा विहान १० बजे सभा सुरु हुनेछ । उक्त सभा भर्चुअल माध्यमबाट हुने भएको छ । सभाले गत आर्थिक वर्षको वार्षिक प्रतिवेदन सहितको वित्तीय विवरण पारित गर्नुका साथै लाभांश प्रस्ताव पारित गर्नेछ ।

कम्पनीले यस वर्ष ८.८० प्रतिशत बोनस शेयर र कर प्रयोजनका लागि शून्य दशमलव ४६ प्रतिशत लाभांश प्रस्ताव गरेको छ । साथै हाल कायम रहेको संस्थापकतर्फको ५२.४९ प्रतिशतलाई ५१ प्रतिशत र सर्वसाधारण तर्फको ४७.५१ प्रतिशतले ४९ प्रतिशत शेयर स्वामित्व कायम गर्ने निर्णय सभाले गर्नेछ ।

हाल कम्पनीको चुक्तापूँजी रू. ३ अर्ब ७ करोड २० लाख ६१ हजार रहेको छ । सोही पूँजीको आधारमा कम्पनीले लाभांश वितरण गर्न लागेको हो । साधारण सभा प्रयोजनका लागि चैत ३ गते देखि सभा हुने दिनसम्म बुक क्लोज हुनेछ । बुक क्लोजको आधारमा चैत २ गतेसम्म कायम शेयरधनीहरु मात्र लाभांश प्राप्त गर्न र सभामा भाग लिन योग्य भएका छन् ।

यो पनि पढ्नुहोस् :

राष्ट्र बैंकले नयाँ नक्सा छाप्ने जिम्मा पोल्याण्डको कम्पनीलाई दियो