अखबार नेपाल ट्रेन्डिङ

काठमाडौं:   नविल बैंकले युएस डलर नबिल आइकार्ड ल्याएको छ । नेपाल राष्ट्र बैंकले अनलाइन मार्फत विदेशबाट बस्तु तथा सेवा खरिद बापतको भुक्तानी प्रयोजनका लागि विदेशी मुद्राको प्रिपेड कार्ड जारी गर्न पाउने व्यवस्था गरेको हो ।

नेपाल राष्ट्र बैंकले नेपालमै बसेर ५०० डलरसम्मको विदेशी वस्तु तथा सेवा खरिद गर्न सटही सुविधा दिएपछि नबिल बैंकले पहिलो पटक यस्तो सुविधा दिन लागेको हो ।

नबिलमा बैंकमा खाता भएका ग्राहकले कार्डमार्फत वार्षिक अधिकतम ५ सय अमेरिकी डलर बराबरको इ-कमर्स साइटमार्फत अनलाइन सपिङ गर्न सक्ने छन् । यो कार्ड भारतबाहेकका मुलुकमा भुक्तानीका लागि जारी भएको हो ।

कार्ड लिनका लागि ग्राहकसँग बैंक खाताका साथै स्थायी लेखा नम्बर अर्थात प्यान कार्ड पनि चाहिन्छ । ग्राहकले एकै पटक वा पटक पटक गरि एक वर्षमा अमेरिकी डलर ५०० बराबर यसरी प्रयोग गर्न सक्ने नविल बैंकले जनाएको छ ।

यो पनि पढ्नुहोस् :

राष्ट्रिय योजना आयोगमा आगामी आर्थिक वर्षको बजेटका लागि कार्यक्रमहरूका विषयमा छलफल हुने