काठमाडौं:  राष्ट्रिय वाणिज्य बैंकले यस वर्षको लागि पारित गरेको २ दशमलव ५० प्रतिशत नगद लाभांश सम्बन्धित शेयरधनीहरुको बैंक खातामा उपलब्ध गराउने भएको छ । बैंकले गत माघ २८ गते सम्पन्न १५ औँ वार्षिक साधारण सभाबाट उक्त लाभांश पारित गरेको थियो ।

शेयरधनीहरुलाई बैंकको शाखा कार्यालयहरुमा र शेयर रष्ट्रिारको कार्यालय आरबिबि मर्चेण्ट बैंकिङ् लिमिटेडमा सम्पर्क राखी बैंकको नाम, खाता नम्बर र सम्पर्क नम्बर सहितको विवरण उपलब्ध गराउन बैंकले आग्रह गरेको छ ।

सरकारी स्वामित्वको यस बैंकको चुक्तापूँजी हाल रू. ९ अर्ब ४७ लाख ९५ हजार रहेको छ । चालू आर्थिक वर्षको दोस्रो त्रैमाससम्म बैंकको वितरणयोग्य नाफा रू.१ अर्ब ८० करोडभन्दा बढी छ । यस अवधिसम्म राष्ट्रिय वाणिज्य बैंकले रू. १ अर्ब ७४ करोड ८८ लाखभन्दा बढी खुद नाफा गरेको छ । बैंकको जगेडा कोष रकम रू. १३ अर्ब ८९ करोड ६२ लाख २२ हजार रहेको छ ।

यो पनि पढ्नुहोस् :

ग्लोबल आइएमई बैंक लिमिटेडले ऋणपत्र निष्कासन गर्ने