काठमाडौं: महालक्ष्मी विकास बैंकले शेयरधनीहरुलाई लाभांश दिने प्रस्ताव गरेको छ । बैंक सञ्चालक समितिको विहीबार बसेको ४७८ औ बैठकले आर्थिक वर्ष २०७६/०७७ को मुनाफाबाट शेयरधनीहरुलाई ८.८० प्रतिशतका दरले बोनस सेयर तथा ०.४६ नगद लाभांश ( कर प्रयोजनको लागि) गरी जम्मा ९.२६ प्रतिशत वितरण गर्ने निर्णय गरेको हो ।

बैंकको साधारण सभा २०७७ चैत्र १३ गते शुक्रबार भर्चुवल माध्यमबाट गर्ने भएको छ । साधारण सभाबाट पारित भए पश्चात् महालक्ष्मी विकास बैंकले शेयरधनीहरुलाई बोनस सेयर वितरण गरिने छ ।

देशका शहरी तथा ग्रामीण क्षेत्रका विभिन्न स्थानहरुमा १०३ वटा शाखा सञ्जाल रहेको, तथा ३४ वटा एटिएमहरु मार्फत ग्राहकहरुलाई सेवा प्रदान गर्दै आईरहेको महालक्ष्मी विकास बैंक लि.को ५ लाख भन्दा बढी ग्राहक संख्या रहेको छ ।

यो पनि पढ्नुहोस् :

महालक्ष्मी विकास बैंकले १९औं वार्षिक साधारण सभा बोलायो