अखबार नेपाल ट्रेन्डिङ

काठमाडौं:  ग्लोबल आईएमई लघुवित्त वित्तीय संस्थाको मंसिर २८ गते बसेको सञ्चालक समितको बैठकले गत आर्थिक वर्ष २०७६/७७ को नाफाबाट चुक्ता पुँजीको २८.९२ प्रतिशत लाभांश वितरण गर्ने घोषणा गरेको छ । संस्थाले वितरण गरेको लाभांश भन्दा हालसम्मकै उच्च लाभांश घोषणा गरेको छ ।

संस्थाले गत आवको नाफाबाट २७.४७ प्रतिशत बोनस र १.४५ प्रतिशत नगद(कर प्रयोजनको लागि) गरी २८.९२ प्रतिशत लाभांश प्रस्ताव गरेको हो ।

ग्लोबल आईएमई लघुवित्तको प्रस्तावलाई नेपाल राष्ट्र बैंकले स्वीकृत तथा संस्थाको आगामी वार्षिक साधारणसभाले पारित गरेपछि मात्रै सेयरधनीले सो मात्राको लाभांश पाउनेछन् । हाल संस्थाको चुक्ता पुँजी २५ करोड ९५ लाख रुपैयाँ रहेको छ । २७.४७ प्रतिशत बोनस पछि संस्थाको चुक्ता पुँजी ३३ करोड रुपैयाँ नाघ्ने छ ।

संस्थाले हालसम्म ५ वर्षको नाफाबाट सेयरधनीलाई लाभांश वितरण गरिसकेको छ । संस्थाले अघिल्लो आव २०७५/७६ को नाफाबाट सेयरधनीलाई १८.४२ प्रतिशत लाभांश (१७.५ प्रतिशत बोनस र ०.९२ प्रतिशत नगद) वितरण गरेको थियो ।

त्यस्तै, आर्थिक वर्ष २०७४/७५को १५.७८७५ प्रतिशत, २०७३/७४ को २१.०५ प्रतिशत, २०७२/७३ को २० प्रतिशत र २०७१/७२को १३.६८ प्रतिशत लाभांश सेयरधनीलाई वितरण गरेको थियो ।

यो पनि पढ्नुहोस् :

https://www.akhabarnepal.com/%e0%a4%8f%e0%a4%a8%e0%a4%86%e0%a4%88%e0%a4%b8%e0%a5%80-%e0%a4%8f%e0%a4%b6%e0%a4%bf%e0%a4%af%e0%a4%be-%e0%a4%ac%e0%a5%88%e0%a4%82%e0%a4%95-%e0%a4%b0-%e0%a4%8f%e0%a4%a8%e0%a4%b8%e0%a5%80%e0%a4%8f/