फष्र्ट माइक्रोफाइनान्सको पहिलो त्रैमासको वित्तीय विवरण सार्वजनिक
वि.सं.२०७७ कात्तिक ३ सोमवार १५:४३
काठमाडौं: फष्र्ट माइक्रोफाइनान्सले चालू आर्थिक वर्षको पहिलो त्रैमासको वित्तीय विवरण सबैभन्दा पहिला सार्वजनिक गरको छ । सोमवार सार्वजनिक भएको वित्तीय विवरण अुनसार पहिलो त्रैमाससम्म कम्पनीले रू. २ करोड ९७ लाख १६ हजार खुद नाफा गरेको छ ।
यो नाफा गत आवको यसै अवधिसम्म रू. २ करोड ६८ लाख ३८ हजार रहेको थियो । गत वर्ष भन्दा यस वर्ष पहिलो त्रैमासमा कम्पनीको नाफा १० दशमलव ७२ प्रतिशत बढी भएको हो । यस वर्ष ११ दशमलव ३६ प्रतिशत बढी रू. ४ करोड ७१ लाख ६८ हजार सञ्चालन मुनाफा गरेको कम्पनीले सम्भावित जोखिम शिर्षकमा गत वर्षभन्दा ३२० प्रतिशत बढी रू. ४९ लाख ४० हजार रकम छुट्याएको छ ।
सम्भावित जोखिम शिर्षकमा यो वर्ष बढी रकम छुट्याएकाले नाफामा बृद्धि कम भएको हो । कम्पनीले ९ दशमलव ५० प्रतिशत बोनसपछि चुक्तापूँजी रू. ८७ करोड ६८ लाख ११ हजार पुर्याएको छ ।
जगेडा कोष रकम पनि गत वर्षभन्दा २३ प्रतिशत बढी रू. १६ करोड ६० लाख ७३ हजार कायम गरेको छ । गत वर्षभन्दा यस वर्ष १० प्रतिशत बढी रू. ५ अर्ब ९४ करोड ८१ लाख ९ हजार विभिन्न बैंक तथा वित्तीय संस्थासँगै कर्जा सापटी लिएर ७ दशमलव २५ प्रतिशत बढी रू. ६ अर्ब ३ करोड १७ लाख ६८ हजार कर्जा प्रवाह गरेको छ । कम्पनीको निष्क्रिय कर्जा शून्य रहेको छ भने प्रतिशेयर आम्दानी १३ रूपैयाँ ५६ पैसा र प्रतिशेयर नेटवर्थ ११८ रूपैयाँ ९४ पैसा रहेको छ ।
वि.सं.२०७७ कात्तिक ३ सोमवार १५:४३