प्रभु बैंक लिमिटेडको २०९ औं शाखा सञ्चालनमा
वि.सं.२०७७ असोज २५ आइतवार १७:११
काठमाडौं: प्रभु बैंक लिमिटेडले आइतबारदेखि सल्यान जिल्लाको शारदा नगरपालिका वडा नं. ०१ स्थित श्रीनगरमा आफ्नो २०९ औं शाखा सञ्चालनमा ल्याएको छ । बैंकको श्रीनगर शाखा कार्यालयको समुद्घाटन शारदा नगरपालिकाका मेयर सुंरेश अधिकारीले गर्नु भएको हो ।
बैंकको श्रीनगरमा शाखा कार्यालयको समुद्घाटन गर्दै प्रमुख अतिथी सुरेश अधिकारीले प्रभु बैंकले बैंकिङ् पहुँच नपुगेको ठाउँहरुमा व्यावसायिक सञ्जाल विस्तार गर्दै आफ्नो शाखा कार्यालय सञ्चालनमा ल्याएर सर्वसाधारणको घर आँगनसम्म सरल र सहज रुपमा बैंकिङ् सेवा विस्तार गरी प्रशंसनीय कार्य गरेका बताउनु भयो ।
श्रीनगर शाखा कार्यालयबाट यहाँका स्थानीय बासिन्दा, सर्वसाधारणहरु, व्यवसायिक फर्म, कम्पनी तथा संघ संस्थाहरुले गुणस्तरीय सेवा उपभोग गरी लाभान्वित हुन सक्ने बैंकले जनाएको छ ।
वि.सं.२०७७ असोज २५ आइतवार १७:११