अखबार नेपाल ट्रेन्डिङ

काठमाडौं: आज देशभर २०७१ जना कोरोना भाइरस संक्रमितहरु थपिएका छन् ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नियमित पत्रकार सम्मेलन मार्फत कोरोनाका २०७१ संक्रमित थपिएको जानकारी दिएका हुन् ।

नेपालभर कोरोनाबाट संक्रमित हुनेको संख्या एक लाख ७ हजार ७ सय ५५ पुगेको छ ।

हालसम्म ७५ हजार ८ सय ४ जना डिस्चार्ज भएका छन् । गत २४ घण्टामा १ हजार ५ सय ५२ जना निको भएर घर फर्किएको स्वास्थ्य तथा जनसंख्या मन्त्रालयले जनाएको छ ।

काठमाडौं उपत्यकामा आज १ हजार ४ सय १६ जना संक्रमित थपिएका छन् । मन्त्रालयका अनुसार काठमाडौंमा १ हजार १ सय ४५ , ललितपुरमा १ सय ६१ र भक्तपुरमा १ सय १० जना नयाँ संक्रमित थपिएका छन् ।

स्वास्थ्य मन्त्रालयका अनुसार २४ घण्टामा २२ जनाको मृत्यु भएको जनाएको छ । योसँगै नेपालमा कोरोनाबाट मृत्यु हुनेको संख्या ६ सय ३६ पुगेको छ ।

नेपालमा हालसम्म सक्रिय संक्रमितको संख्या ३१ हजार ३ सय १५ रहेको छ ।