अखबार नेपाल ट्रेन्डिङ

काठमाडौं: सांग्रिला डेभलपमेन्ट बैंकबाट एसएमएल ब्राण्डको गाडी किन्न ७५ प्रतिशतसम्म कर्जा पाइने भएको छ । सांग्रिला डेभलपमेन्ट बैंक र लक्ष्मी कमर्सियल भेहिकल्स प्रा.लि. बिच गाडी खरिदका लागि कर्जा सेवा उपलब्ध गराउने सम्झौता भएको छ ।

बैंकको तर्फबाट प्रमुख कार्यकारी अधिकृत सुयोग श्रेष्ठ र लक्ष्मी कमर्सियल भेहिकल्सका तर्फबाट कम्पनीका कार्यकारी निर्देशक निराकर श्रेष्ठले सम्झौता पत्रमा हस्ताक्षर गर्नु भएको छ ।

उक्त सम्झौता अनुसार यस बैंकका ग्राहकले स्वाराज मज्दा(एसएमएल) ब्राण्डको कमर्सियल गाडीको आधिकारीक बिक्रेता लक्ष्मी कमर्सियल भेहिकल्सबाट नयाँ गाडी खरीद गर्न चाहेमा गाडीको मूल्यको अधिकतम ७५ प्रतिशतसम्म कर्जा सुविधा पाउने छ । व्याजदर १२.५ प्रतिशत रहेको उक्त सुविधा बैंकका जुनसुकै शाखा कार्यालयहरुबाट प्राप्त गर्न सकिने बैंकले जनाएको छ ।

बैंकको हाल संचालनमा रहेका ९१ वटै शाखाहरुबाट आफ्ना ग्राहकलाई यस किसिमको कर्जा प्रदान गरिने जनाएको छ ।