अखबार नेपाल ट्रेन्डिङ

काठमाडौं: राष्ट्र बैंकले दशैं नजिकिदै जाँदा कोभिड महामारी कै बीच डिजिटल कारोबारलाई प्राथमिकता दिएको राष्ट्र बैंकले डिटिलट माध्यमबाट दशैंको टिकाको दक्षिणा दिनेलाई प्रोत्साहन गर्ने योजना अघि सारेको छ ।

राष्ट्र बैंकले नयाँ नोट साट्नुको विकल्पमा मोबाइलबाट दक्षिणा दिने व्यवस्था मिलाउन सके नोट छपाइमा लाग्ने खर्चको केही हिस्सा यस्ता क्रियाकलापमा लगाउन सके डिजिटल कारोबार बढ्ने विश्वास लिएको छ । मोबाइलबाट दक्षिणा दिनेलाई राष्ट्र बैंकले यति इन्सेन्टिभ दिन्छौं भनेर सीमा तोकेर बोनस दिने व्यवस्था मिलाउन सके राम्रो हुने राष्ट्र बैंकले जनाएको छ ।

मोबाइलबाट दक्षिणा दिनेलाई प्रोत्साहन स्वरुप सहुलियत दिन सके एकातिर कोभिडको जोखिम कम हुने र अर्कोतिर मोबाइल प्रयोगकर्ता बढ्ने सोच राष्ट्र बैंकले लिएको हो ।

यसरी डिजिटलमाध्यमको प्रयोग गर्न दक्षिणाको सीमा तोकेर एक सय दिनेलाई यति, दुई सय, पाँच सय तथा एक हजार रुपैयाँ दक्षिणा दिनेलाई सीमा तोकेर बोसन दिँदा कोरोनाको जोखिम कम हुनाका साथै नोट छाप्न खर्च हुने पैसा देश बाहिर नजाने राष्ट्र बैंको भनाइ छ ।

एक डिनोमेशनमा करिब ६ देखि साढे ६ अर्ब नोट छाप्न खर्च हुन्छ । राष्ट्र बैंकसँग  ७ वटा डिनोमेशनका नोट छन् । एउटा डिनोमेशन ३० करोड वटा छाप्दा करिब एक अर्ब खर्च हुन्छ । नोट छापेर बजारमा पैसा पुर्याउने जिम्मा राष्ट्र बैंकको हो । त्यहि नोट छाप्दा लाग्ने खर्च जोगाएर सहुलियत दिने व्यवस्था राष्ट्रले लिन सके यसको प्रयोग विस्तारै बढ्दै जाने विश्वास राष्ट्र बैंकले लिएको छ ।