अखबार नेपाल ट्रेन्डिङ

काठमाडौं: ज्योति विकास बैंक र तिलगंगा आँखा अस्पतालबिच कोरोना र आँखा सम्बन्धि अनुसन्धानको लागि सहयोग गर्ने सम्झौता भएकाे छ ।

उक्त संझाैता पत्रमा बैंकका तर्फबाट बैंकका प्रमुख कार्यकारी अधिकृत चन्द्र भट्ट र तिलगंगा आँखा प्रतिष्ठानको अनुसन्धान विभागका निर्देशक डा. सुमन थापाले हस्ताक्षर गर्नु भएमाे छ ।

तिलगंगा आँखा प्रतिष्ठान अन्तर्गतको अनुसन्धान विभागले गर्दै आएको “Detection of SARS-CoV-2 infection on Conjunctiva swab among COVID-19 cases in Nepal” कोलागि सामाजिक उत्तरदायित्वको कोषमार्फत रु. २ लाख बराबरको आर्थिक सहयोग गरेको बैंकले जनाएके छ ।

mतिलगंगा आँखा प्रतिष्ठान अन्तर्गतको अनुसन्धान विभागले डा सन्दुक रुईतको संयोजकत्वमा गरिरहेको उक्त अनुसन्धानमा कोरोना भाइरस र आँखाबीचको सम्बन्धको अध्ययन भइरहेको छ ।

अनुसन्धानले नेपाली कोरोना संक्रमितहरुको आँखामा कोरोना भाइरसको असर र आँखाबाट भाइरस संक्रमण सम्बन्धि अध्ययन गरिरहेको हो। नेपालमा यस किसिमको अनुसन्धान पहिलो पटक भइरहेको हो।

हाल ज्योति विकास बैंकले १०५ शाखा कार्यालय, १ एक्सटेन्सन काउन्टर तथा ६१ वटा एटिएम मार्फत सेवा उपलव्ध गराउँदै आईरहेको छ।