अखबार नेपाल ट्रेन्डिङ

काठमाडौं: गरिमा विकास बैंकले एकैदिन ६ वटा नयाँ शाखा कार्यालयहरु सञ्चालनमा ल्याएको छ ।

बैंकले असोज १ गते काठमाडौं उपत्यका भित्र र उपत्यका बाहिर गरी देशका विभिन्न स्थानमा शाखा विस्तार गरी ६ वटा नयाँ शाखा सञ्चालनमा ल्याएको छ ।

बैंकले काठमाडौको ढुङगेधारा, ललितपुरको इमाडोल, नवलपुरको गैडाकोट, रुपन्देहीको कोटिहवा, रौतहटको चन्द्रपुर र धनुषाको जनकपुर गरी एकैदिन ६ वटा शाखा कार्यालयहरु संचालनमा ल्याएको छ ।

यससंगै बैंकले काठमाडौं उपत्यकाभित्र १३ वटा शाखा सहित देशभर सबै प्रदेशमा ९७ शाखा, ५१ एटीएम र गरिमा रेमिटका १० हजारभन्दा बढी एजेण्टमार्फत ग्राहकहरुलाई सेवा प्रदान गर्दै आईरहेको जनाएकाे छ ।