अखबार नेपाल ट्रेन्डिङ

काठमाडौं: सरकारको कोरोना कोषमा चारवटा वित्तीय संस्थाले १३ करोड रुपैयाँभन्दा बढी सहयोग गरेका छन् ।

सरकारको कोरोना कोषमा नबिल बैंक, कृषि विकास बैंक, राष्ट्रिय वाणिज्य बैंक र डिप्रोक्स लघुवित्त सहित चार वित्तीय संस्थाले कुल  १३ करोड २६ लाख ६१ हजार ३ सय ५० रुपैयाँ सहयोग गरेको छ ।

चारवटा वित्तीय संस्था मध्ये नबिल बैंकले ६ करोड रुपैयाँ, कृषि विकास बैंकले ४ करोड १० लाख १० हजार रुपैयाँ, राष्ट्रिय वाणिज्य बैंकले २ करोड ६९ लाख ९३ हजार १ सय ४५ रुपैयाँ र डिप्रोक्स लघुवित्तले ४६ लाख ५८ हजार १ सय २९ रुपैयाँ सहयोग प्रदान गरेको छ ।

चारवटा वित्तीय संस्थाले सरकारको कोरोना संक्रमण रोकथाम, नियन्त्रण र उपचार कोषका नाममा काटिएको चेक अर्थमन्त्री डा. युवराज खतिवडालाई हस्तान्तरण गरे ।

आर्थिक वर्ष २०७७/७८ को मौद्रिक नीतिमा राष्ट्र बैंकले बैंक तथा वित्तीय संस्थाहरुको संस्थागत सामाजिक उत्तरदायित्वअन्तर्गत आव २०७६/७७ को असारसम्ममा खर्च हुन बाँकी रकम नेपाल सरकारले स्थापना गरेको कोरोना कोषमा जम्मा गर्नुपर्ने व्यवस्था गरे अनुसार वित्तीय संस्थाहरुले सो रकम सहयोग गरेका हुन् ।