अखबार नेपाल ट्रेन्डिङ

काठमाडौं: विश्वभर महामारीको रुप लिएको कोरोना भाइरस नियन्त्रणका लागि नेपाल सरकारले गरेको लकडाउनका कारण समस्यामा परेका नागिरकका लागि नेपाल आयल निगमले आजदेखि घुम्ती सेवामार्फत खाना पकाउने ग्यास वितरण सुरु गरेको छ ।

उपभोक्तहरुले ग्यास नपाएको भन्ने गुनासो आएकाले तोकिएको खुद्रा मूल्य लिई घुम्ती सेवामार्फत एलपी ग्यास बिक्री वितरण सुरु गरिएको नेपाल आयल निगमले जानकारी दिएको छ । निगमका प्रवक्ता विनितमणि उपाध्यायका अनुसार साधारण उपभोक्तालाई १२ वर्गमा विभाजन गरी ग्यास वितरण थालिएको बताए ।

अति आवश्यक पर्ने उपभोक्ताले तोकिएको सम्पर्क नम्बरमा सम्पर्क गरेर ग्यास लिन सक्ने निगमले जनाएको छ । यो सेवा रिङरोड क्षेत्रका उपभोक्ताले मात्र पाउनेछन् । लकडाउन अवधिभरका लागि टेकुस्थित आयल निगमको कार्यालयबाट ग्यास वितरण गरिने प्रवक्ता उपाध्यायले जानकारी दिएका छन् । उनका अनुसार निगमले अस्पताल, वृद्धाश्रम, बिरामी/असहाय, अनाथालय, फरक क्षमता भएकालाई प्राथमिकता दिइने बताए ।

ग्यास लिनका लागि आयल निगम निम्न नम्बरहरुमा सम्पर्क गर्न सकिने बताईएको ।

सम्पर्क नम्बरहरुः ४२६४६००, ४२६३४८५, ९८५१२०१२६२, ९८५१०६७७२४ र ९८४७९५३१६३।