अखबार नेपाल ट्रेन्डिङ

काठमाडौं: एनआईसी एसिया बैंकले कोरोना भाइरस विरुद्ध नेपाल सरकाले गरेको ‘लकडाउन’को अवस्थालाई मध्यनजर गर्दै डिजिटल माध्यमबाट सेवा प्रदान गर्ने भएको छ । मेरो किराना र बैंकबीच भएको सम्झौता अनुसार अबदेखि बैंकको डिजिटल सेवा प्रयोग गरी सामान किन्दा १० प्रतिशत रकम फिर्ता हुने भएको हो ।

बैंकका ग्राकहरुलाई मेरो किराना अनलाइनबाट सामान खरिद गर्दा १० प्रतिशतसम्म रकम फिर्ता हुने गरी बैंक र मेरो किरानाबीच साझेदारी भएको बैंकले जनाएको छ । राष्ट्रिय तथा अन्तर्राष्ट्रिय ब्राण्डका खाद्य सामग्री पाइने ‘ई कमर्स साइट’ किरानासँग्को साझेदारी बमोजिम बैंकको डेबिट र क्रेडिट कार्ड तथा मोबाइल बैंकिङ प्रयोगकर्ताहरुले यो सुविधा पाउनेछन् ।

मेरो किरानाबाट अनलाइन सामान खरिद गरी रकम भुक्तानी गर्दा १० प्रतिशत वा प्रति कारोबार पाँच सय रुपैयाँसम्म र बढीमा एक हजार रुपैयाँसम्म रकम फिर्ता पाउन सक्ने बैंकले जनाएको छ । यो योजना चैत मसान्तसम्म लागु हुनेछ । कोरोना भाइरसको जोखिमबाट जोगिन सरकारले भीडभाड कम गर्न आह्वान गरिरहेको अवस्थामा डिजिटल बैंकिङ्ग प्रयोग गरी घरबाटै सामान खरिद गर्ने प्रोत्साहन गर्न यस्तो सुविधा ल्याइएको बैंकका नायव प्रमुख कार्यकारी अधिकृत सुधिरनाथ पाण्डेले जनाएका छन् ।