अखबार नेपाल ट्रेन्डिङ

काठमाडौं:  नेपालमा पछिल्लो २४ घण्टामा थप २ हजार ९ सय ३३ जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या १ लाख ७६ हजार ५ सय पुगेको छ ।

पछिल्लो २४ घण्टामा १३ हजार ४ सय ४६ जनाको पीसीआर गरिएको छ । पछिल्लो २४ घण्टामा थप ३ हजार १ सय ५० जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १ लाख ३७ हजार ९ सय ९२ पुगेको स्वास्थ्य तथा जनसंख्या मन्त्रालयले जनाएको छ ।

नेपालमा पछिल्लो २४ घण्टामा थप २४ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या ९ सय ८४ पुगेको छ ।