एउटै रुखमा झुण्डिएर तीन किशोरीले गरे आत्महत्या
वि.सं.२०७९ साउन ८ आइतवार ११:३१
झापा : झापामा एउटै रूखमा झुण्डिएको अवस्थामा तीन किशोरीको शव फेला परेको छ । झापाको केचनाकवल गाउँपालिका ५ मा आज बिहान एउटै रूखमा तीन किशोरी झुण्डिएको अवस्थामा फेला परेको प्रहरीले बताएको छ ।
स्थानीय बेल्लेगाउँस्थित सुनकोशी चिया बगानको जिङ खोला किनारमा ढल्केको बयरको रूखमा उनीरू झुण्डिएको बताईएको छ ।
जिल्ला प्रहरी कार्यालय झापाका प्रवक्ता वसन्त पाठकका अनुसार मृतकहरुमा स्थानीय पञ्चम गणेशकी १६ वर्षिया छोरी करिना, पुवालु गणेशकी १७ वर्षिया छोरी अन्जली र वीरवल गणेशकी १६ वर्षिया छोरी कल्पना रहेका छन्।
हिजो दिउँसोदेखि हराएका उनीहरू आज बिहान करिब ७:३० बजे झुन्डिएको अवस्थामा फेला परेको डीएसपी पाठकले बताए ।
ती तीनै जना किशोरीहरु चिया बगानका मजदुर हुन्। घटनाको जानकारी पाएलगत्तै प्रहरी टोली घटनास्थलतर्फ गएको र घटनासम्बन्धी अनुसन्धान भईरहेको प्रहरीले बताएको छ ।
दुई जना एउटै हाँगामा र अर्की अर्को हाँगामा झुन्डिएको अनस्थामा फेला परेका हुन्। एक जनाले गाई बाँध्ने दाम्लो, अर्कीले प्लाष्टिकको डोरी र अर्कीले गम्छा प्रयोग गरेका छन्।
सामूहिक आत्महत्या गर्नुपर्ने कारण खुलेको छैन। यससम्बन्धी अनुसन्धान प्रहरीले गरिरहेको छ ।
वि.सं.२०७९ साउन ८ आइतवार ११:३१