अखबार नेपाल ट्रेन्डिङ

काठमाडौं : कोरोना भाईरसका संक्रमण झन तीव्र रुपमा बढ्दै गएको छ । पछिल्लो २४ घण्टामा थप ३७ सय ४९ जनामा कोरोना भाइरस संक्रमण पुष्टि भएको स्वास्थ्य मन्त्रालयले जानकारी दिएको छ ।

योसँगै नेपालमा संक्रमितको संख्या १ लाख २१ हजार ७४५ पुगेको छ ।

पछिल्लो २४ घण्टामा १६ हजार ५९८ जनाको पिसिआर परीक्षण भएको छ । २४ घण्टामा ३ हजार ५६४ जना डिस्चार्ज भएका छन् । डिस्चार्ज हुनेको संख्या ८४ हजार ५१८ पुगेको मन्त्रालयले जनाएको हो ।

अहिलेसम्म देशभर ३६ हजार ५३३ जना सक्रिय संक्रमित रहेको मन्त्रालयले बताएको छ । कोरोनाका कारण पछिल्लो २४ घण्टामा १९ जना संक्रमितको मृत्यु भएको छ । हालसम्म कोरानाका कारण मृत्यु हुनेको संख्या ६९४ पुगेको छ ।