अखबार नेपाल ट्रेन्डिङ

काठमाडौँ: काठमाडौँ उपत्यकामा आइतबारदेखि दुई साता अत्यावश्यक बाहेक सबै सरकारी, गैरसरकारी तथा निजी कार्यालयहरू बन्द हुने भएका छन् ।

शुक्रबार काठमाडौँ, भक्तपुर र ललितपुरका प्रमुख जिल्ला अधिकारीहरू र तीनै वटै जिल्लाका जिल्ला समन्वय समितिका अधिकारीहरूको बैठकले उक्त निर्णय गरेको हो ।

कोरोना भाइरस संक्रमण बढ्दै गएपछि जिल्ला प्रशासन कार्यालयहरुले पनि अत्यावश्यक बाहेकका सेवा रोक्ने निर्णय गरेको छ ।

उपत्यकाका तीन वटै जिल्लामा रहेका क्वारेन्टिन स्थलहरुलाई आइसोलेसन सेन्टर बनाउने प्रस्ताव गृहमन्त्रालय मार्फत कोभिड–१९ संकट व्यवस्थापन सेन्टर (सीसीएमसी) मा पठाउने निर्णय पनि उपत्यकाका प्रजिअहरुले सहमति जनाएका छन् ।