अखबार नेपाल ट्रेन्डिङ

काठमाडौं: एन आई सी एशिया बैंक र सिजी मोटोकर्प प्रा. लि. बीच फाइनान्सिङ्ग पार्टनरको समझदारी भएको छ ।

उक्त समझदारी पत्रमा बैंकको तर्फबाट सहायक प्रमुख कार्यकारी अधिकृत सन्तोष कुमार राठी तथा कम्पनीको तर्फबाट महाप्रबन्धक (सेल्स एण्ड मार्केटिङ) सिरज पन्तले हस्ताक्षर गर्नुभएको छ ।

सिजी मोटोकर्प प्रा. लि. ले सुजुकी ब्राण्डका सवारी बिक्री गर्दा बैंकलाई फाइनान्सिङ्ग पार्टनर बनाउने र बैंकले सिजी मोटोकर्प प्रा. लि.का उपभोक्ताहरूलाई सवारी कर्जामा थप सहजता प्रदान गर्ने उल्लेख गरिएको छ ।

बैंकले ल्याएको सुपर चमत्कारिक सवारी कर्जामा वार्षिक ८.२५ प्रतिशत ब्याजदर तथा ०.२५ प्रतिशत प्रशासनिक शुल्कका साथै अन्य अतुलनीय र असीमित सुविधाहरूले भरिपूर्ण कर्जा मार्फत सुजुकी ब्राण्डका सवारी साधन ग्राहकहरूले खरिद गर्न सक्नेछन् ।

बैंकले चमत्कारिक सवारी कर्जा मार्फत ग्राहकहरूबाट आवश्यक कागजात प्राप्त भएको ४८ घण्टाभित्रै कर्जा प्रवाह गर्ने व्यवस्था गरेको छ ।

यस सुपर चमत्कारिक सवारी कर्जा अन्तर्गत अधिकतम रू. २ करोड सम्मको रातो प्लेटका निजी तथा व्यवसायका लागि सवारी खरिद गर्न सकिने व्यवस्था छ।

बैंकले रातो नम्बर प्लेटका निजी प्रयोजनको सवारी साधनका लागि ५० प्रतिशत तथा व्यवसायिक प्रयोजनका रातो नम्बर प्लेटको सवारी साधनका लागि ८० प्रतिशत कर्जा प्रवाह गर्ने बैंक र सिजी मोटोकर्प प्रा. लि. बीच समझदारी भएको छ ।

यो सुविधा सिजी मोटोकर्प प्रा. लि. का देशभर रहेका सम्पूर्ण डिलरहरूबाट ग्राहकहरूले लिन सक्ने छन् ।

यस सँगै सवारी धितो राखेको हकमा ८ वर्ष सम्म र सवारी तथा रियलइस्टेट दुबै धितो राखेको खण्डमा अधिकतम १५ वर्षसम्म कर्जा अवधि हुने व्यवस्था गरिएको छ ।

बैंकको मुलुक भर ३ सय २६ शाखा कार्यालयहरू, ४ सय ६५ एटिएम, १ सय १ वटा एक्स्टेन्सन काउण्टर एवं ६४ वटा शाखा रहित बैंकिङ्ग सेवा रहेको छ ।