नेपाल उद्योग वाणिज्य महासंघको साधारणसभा चैतमा गरेपनि फरक पर्दैनः चन्द्रप्रसाद ढकाल
वि.सं.२०७७ साउन ११ आइतवार १६:०३
काठमाडौं: नेपाल उद्योग वाणिज्य महासंघको साउन २५ र २६ गते हुने साधारणसभा तत्काललाई स्थगन भएसँगै वरिष्ठ उपाध्यक्षका उम्मेद्वार चन्द्र ढकाल समूहले विरोध जनाएको छ ।
आगामी कार्यकालका लागि वरिष्ठ उपाध्यक्षका उम्मेदवार चन्द्रप्रसाद ढकालले साधारणसभाका लागि सरकारलाई दिईएको निवेदनको जवाफ नआई हतारहतार निर्णय गरिएकोप्रति आपत्ति जनाएका छन् ।
५५ वर्षको गौरवशाली संस्थाको गरिमा र साख राख्न साधारणसभा समयमै गर्नुपर्ने धारणा राख्दै पुरानो नेतृत्व आफ्नो जिम्मेवारीबाट पन्छिने र नयाँ नेतृत्वले जिम्मेवारी लिन नचाहने स्थिस्तिबाट महासंघ इतिहासमै कमजोर अवस्थामा पुगेको ढकालको भनाई छ ।
ढकालले महासंघको साधरणसभापछि आफु कार्यकारी अधिकार भएको पोस्टमा नपुग्ने हुँदा साधरणसभाबाट कुनै ठूलो लाभ र व्याक्तिगत महत्वाकांक्षा नरहेका कारण साधारणसभा चैतमा गरेपनि फरक नपर्ने धारणा राखेका छन् ।
नेपाल उद्योग वाणिज्य महासंघको साधरणसभा पूर्णरुपमा स्वास्थ्य सम्वन्धी मापदण्डहरु लागू गरेर सञ्चालन गरौं भन्ने राय राख्दा महासंघकै पदाधिकारी साथीहरुले स्वास्थ्य भन्दा महासंघ ठूलो हुन सक्दैन भन्दै हतोत्साही बनाउने प्रयास भएको ढकालको दावी छ ।
वि.सं.२०७७ साउन ११ आइतवार १६:०३