अखबार नेपाल ट्रेन्डिङ

काठमाडौं: प्रधानमन्त्री निवास बालुवाटारमा सत्तारुढ दल नेपाल कम्युनिस्ट पार्टीको आन्तरिक कलह टुंग्याउने प्रयासका लागि प्रधानमन्‍त्री तथा अध्यक्ष केपी शर्मा ओली र अर्का अध्यक्ष पुष्पकमल दाहालबीचको  छलफल भएको छ ।

बुधबार  प्रधानमन्त्रीको सरकारी निवास बालुवाटारमा ओली र दाहालबीच वान टु वान भएको वार्ता आज पनि बिना निष्कर्श टुंगिएको बालुवाटार स्रोतले जनाएको छ ।

सचिवालय र स्थायी समितिका बहुमत सदस्यले ओलीको दुवै पदबाट राजीनामा मागेपछि आन्तरिक कलहले उग्र रुप लिएको हो । अध्यक्षद्वय ओली र दाहालसँगै नेताहरुले विभिन्न चरणमा छलफल गरेपनि सहमति हुन सकेको छैन ।

प्रधानमन्त्री ओलीले स्थायी समितिले दबाब दिँदैमा आफूले पदबाट राजीनामा नदिने बरु जस्तोसुकै परिस्थिति पनि सामना गर्ने बताएका छन् । दाहाल र वरिष्ठ नेता माधव नेपाल पक्षले भने प्रधानमन्त्री ओलीमाथि सहमतिको वातावरण बनाउन दवाव दिइराखेका छन् ।